Discover The Desert

More desert action and exploration :-)
اكتشف البرية الصحراوية
التفاصيل:
تعتبر الواحات البحريه قبله عشاق السافاري والتخييم في العالم لما حباها به الله من طبيعه وجغرافيه متنوعه ومتفرده في مصر
وتعتبر المدخل الرسمي لكل رحلات السافاري في الصحراء الغربيه
علشان كده فكرنا نعمل ايفنت مميز لإكتشاف الصحراء و

جمالها
مش هانتفرج علي الصحراء.. احنا هانعيش فيها و نتعايش معاها
ومن الاسباب الاساسيه اللي خلتنا نعمل الايفنت في الواحات كونها بتتمتع ببيئات مختلفه ومتنوعه
فيها اراضى صخريه ورمليه وسبخات و اشكال مختلفة هنكتشفها مع بعض..

الخميس 22 فبراير
التجمع في ميدان عبد المنعم رياض 6 صباحا ونتجه الي الباويطي
نوصل الساعه 11 ظهرا ونزور متحف المومياوات الذهبيه ومقبرتي حاكم الواحات في العصر الروماني ومقبره كبير التجار
بعد كده ناخد العربيات ال4x4 ( سته افراد في كل سياره ) ونتتاول الغذاء في مطعم عم بيومي الواحاتي الشهير ونبدا نعمل مزارات الواحات الشهيره
بحيره المامور وحدائق النخيل الشهيره ومحميه الدست والمغرفه اللي اكتشف فيها حفرية دولية مهمة جداً.. ونتجه بعدها الي جبل الانجليز.
نطلع الي قمه الجبل ونشاهد اروع مشهد لغروب الشمس ونتفرج علي الواحات كلها من قمه الجبل
ونتجه الي منطقه التخييم بجوار بير القصعه في محميه الدست والمغرفه وده بير مياه ساخنه اللي عايز يستخدمه يجيب معاه ملابس البحر.
هانشوف الكامب المميز اللي بيعمله اهل الواحات باستخدام عربيات الدفع الرباعي
وبعد تناول العشاء نعمل جلسه سمر حول النار.
ونتكلم في جلسه نقاش مفتوحه عن الصحراء و تنوعاتها و الحياة البرية فيها.

الجمعة 23 فبراير
نصحي بدري ونتناول الافطار ونركب العربيات ال4x4 ونتجه الي الصحراء السوداء علشان نشوف ظاهره جيولوجيه مميزة في مصر. بعدها نشرب الشاي البدوي المميز في واحة الحيز وندخل الي الصحراء الاجمل في مصر و من أجمل صحاري العالم.. الصحراء البيضاء
(الصحراء الحلم بالنسبه لكل عشاق السافاري في العالم)
هانتغذي عند بير عين خضره ونتفرج علي التركيبات الجيولوجيه الفريده والمشروم النموذجي ونزور عين السرو ونعمل الكامب بتاعنا عند الجبل المخروم. وبالليل بعد العشاء هاتبقي فيه حفله بدويه حول النار

السبت 24 فبراير
بعد الافطار هانكمل مزارات الصحراء البيضاء. نزور منطقه العقبات والسنترال وجبل الكريستال
وبعدها نرجع الي الواحات البحريه
نعمل جوله حره في المدينه ونشتري الهدايا وتمر الواحات المميز وبعدها نركب ونتجه الي القاهره بالسلامة بإذن الله
السعر للفرد يشمل كل شيء مذكور 1250 جنيه
الحجز مع الآتي من 31 يناير 2018 (و ينتهي قبل يوم 14 فبراير 2018)
الحجز من خلال احمد سالم 01275122015 - احمد ناجي 01001994502 - محمد الدسوقي 01003981514

Note for Registration:
It may not be suitable for all entrants. The instructor reserves the right to decide on entry and participation of applicants/students.

What's "Deserto"?
Deserto is an initiative for all to go into the Egyptian wilderness combining both Adventure with Safety. Deserto is a Latin word for
"Wilderness".
برية .. هي واجهة لنشر ثقافة و افكار اشراك الكل للدخول و التعايش مع كل اماكن البرية

▼ Show More Information

adress is not specified
22 February , Thursday 06:00

More Events Nearby