Ace Of Conventions 2 Supported By ''Comic-Con MEFCC''

هيونيكون:
•مؤسسة بتعمل أكبر مسابقات ممكن تتعمل فى ايفنت فى مصر والمسابقات دى علشان الجيمرز ,اوتاكو ,مدمنين الكوميكس والرسامين ,بالتعاون مع كوميك كون “MEFCC”.
•المكان: ساقية عبد المنعم الصاوى.
•الزمان: السبت 30\1\2016
•الإيفينت هيكون فيه:
o مسابقة للجيمرز
o مسابقة الكوسبلايرز
o أنمى كاريوكى
o لوتارى/

اليانصيب
o هدايا
o SpaceToon فقرة أغانى

مجرد تفاصيل صغيرة لهيونيكون اللى جاى :
الجوائز:
المرة دى هيونيكون هيفاجئ الحضور بجوائز قيمتها تتجاوز 15,000 جنيه
و مفاجئات تانية كتير..
لوتارى (اليانصيب):
كل ساعة فى الايفينت هيكون فى فائز من الحضور بهدايا هيونيكون الفشيخة !!!
1. طائرة هليوكوبتر (1000 جنيه)
2. الهدية الغامضة
3. بوسترات كتير
4. بينات كتير

نقط مهمة:
• كل الحضور هايستلموا ارقام يحافظوا عليها بعنيهم و يركزوا مع المسرح عشان كل ساعة هيتقال رقم هيكون هو الكسبان بجائزة من الجوائز "الحظ بينادى مرة واحدة بس".
• الايفينت المرة دى بيهتم أكتر بالحضور و فى مسابقات على المسرح و جوائز كتير.
• هيونيكون دائماً جاهز لإستقبال الافكار الجديدة لو عندك ابعتها على الصفحة.

جدول المواعيد فى الايفينت:

• مقدمة:
مقدمة عن الإيفينت ومجتمع الأنمى فى مصر والترحيب بضيوف الشرف.

• اتحدى الجيمرز المحترفين:
شاركنا و واجه الفائزين بالمراكز الاولى فى مسابقة الالعاب فى هيونيكون اللى فات حاول تكسبهم و فوز بجائزة فورية ...

• نينجا الفشيخ:
مش لازم تكون جيمر موهوب و مش لازم تكون كوسبلاير عشان تكون مشهور بس لازم تكون عندك عزيمة النينجا علشان تكسب جائزة 500 جنيه و تنافس على المسرح ..المسابقة بسيطة جدا العب “Fruit Ninja Ultimate” على الاكس بوكس كينكت.

• مسابقة الكوسبلاى:
المبدأ اللى خلانا نبتدى مسابقات الكوسبلاى فى مصر هى اننا نعلى من جودة الكوسبلاى و نكافئ الكوسبلاير على مجهودهم فى عمل الكوسبلاى دلوقتى بناخد الكوسبلاى مرحلة تانية على طريقة هيونيكون.
• تذكرة مجانية للسفر لدبى لحضور كوميك كون دبى “MEFCC” والتذكرة شاملة السفر والاقامة.
• جائزة مالية هتكسر أى توقعات عندك.

• انمى تريفيا:
مسابقة لكل اوتاكو و عاشق للانمى , المسابقة عبارة عن اسئلة عن الانمى هتتسأل للحضور و اللى حابب يشارك و هتكون على المسرح.

• نهائى مسابقة الكوسبلاى:
• أول 5 كوسبلايرز هيطلعوا على المسرح ويعملوا عرض و العرض دة اللى هايحدد مين اللى هايروح كوميك كون دبى “MEFCC”.

• مسابقة الجيمر الفشيخ:
• كل الجيمرز على مدار اليوم هيكونوا بينافسوا فى بطولات الجيمينج ... الماتش النهائى هيكون على المسرح و هيحدد مين الاول و الثانى فى كل لعبة.

• فقرة غنائية:
• ايه ممكن ينهى اليوم احسن من انك تسمع اغانى طفولتك اللى كانت على سبيستون و اللى هتخلينا نفتكر أيام الطفولة الجميلة ...

جدول المواعيد خارج المسرح

• مسابقات الجيمينج: (طوال اليوم)
•هتكون ساحة للعيار التقيل من الجيمرز اللى هتكون شغالة طول اليوم و هى اللى هتحدد مين اللى هايوصل النهائى فى كل لعبة اللى هتتلعب على المسرح.

• هيونيكون لاند: (طوال اليوم)
• هيكون فى مكان لكل اوتاكو و جيمر لتبادل الانمى و الافلام و الالعاب طول اليوم و هيكون فرصة كويسة إنك تتعرف على ناس جديدة.
• مانجاكا هيونيكون: (طوال اليوم)
•كل الرسامين مرحب بيهم انهم يجيبوا رسوماتهم عشان يعرضوها و هتتعرض فى المكان المخصص ليها فى الايفنت ...
• انمى كاريوكى: (اخر اليوم)
هيونيكون بيرحب بأى حد عنده موهبة وحابب يشارك ويطلع على المسرح يقدم موهبته.

▼ Show More Information

adress is not specified
30 January , Saturday 13:00